6133 0115533852 / 0935947533Kazanchiz Addis Ababa, Ethiopia

በሀገራዊ አስቸኳይ የሙስና መከላከል ሥራ ከ42 ሚሊዬን ብር በላይ ከምዝበራ ማዳን ተቻለ፡፡

የፌ.ሥ.መ.ኮ ጥቅምት 4/2015 ዓ.ም አዲስ አበባ) በበጀት ዓመቱ የመጀመሪያ ሩብ ዓመት የሥራ አፈፃፀም በ20 የፌዴራል የመንግሥት ተቋማትና የልማት ድርጅቶች እና በሰባት ክልሎች በተሰሩ አገራዊ አስቸኳይ የሙስና መከላከል ሥራዎች ከ42 ሚሊዬን ብር በላይ ከምዝበራ ማዳን ተችሏል፡፡

በሩብ ዓመቱ በአስቸኳይ የሙስና መከላከል ሥራ በጉምሩክ ኮሚሽን፣ በንግድ ስራዎች ኮርፖሬሽን፣ በደብረ ብርሃን ዩንቨርሲቲ፣ በደብረ ታቦር ዩንቨርሲቲ፣ በወልድያ ዩንቨርሲቲ እንዲሁም በብርሃንና ሰላም ድርጅት፣ በኢትዮጵያ ኤሌክትሪክ አገልግሎት ተቋማት ላይ የተደረገ ሲሆን ከክልሎች ደግሞ የቤኒሻንጉል ጉሙዝ ክልል፣ የኦሮሚያ ክልል፣ የሐረሪ ክልል፣ የደቡብ ምዕራብ ኢትዮጵያ ክልል፣ የሲዳማ ክልል፣ የደብብ ብ/ብ/ህ/ክልል እና የሶማሌ ክልል በራሳቸው አቅም የተሰሩ አስቸኳይ የሙስና መከላከል ሥራዎችን አከናውነዋል፡፡

በዚህም በተቋማቱ ላይ በቀረቡ ጥቆማዎች አስቸኳይ የሙስና መከላከል ሥራ በነበረው ማጣራት የባከኑ የመንግሥት ንብረቶች እንዲመለሱ፣ አግባብ ያልሆኑ አሰራሮችና ያለአግባብ የተፈፀሙ የሠራተኞች የዝውውርና ዕድገት ውሳኔዎች ማስተካከያ እንዲደረግባቸውና እንዲሰረዙ ተደርጓል፡፡

በተቋማቱ ላይ በቀረቡ ጥቆማዎች አስቸኳይ የሙስና መከላከል ሥራ ተደርጎባቸው እንዲስተካከሉ ከተደረጉ ጉዳዮች መካከልም ስልጣንን ያለአግባብ መጠቀም፣ ከባድ እምነት ማጉደል፣ በተጋነነ ዋጋ ሊፈፀም የነበረ ግዥ እና ጨረታ እንዲሁም ያለአግባብ ደረጃ እድገት መስጠት የሚሉት ይጠቀሳሉ፡፡

ከሙስና የፀዳች ኢትዮጵያ!

ወቅታዊ፣ትኩስ እና የተሟሉ መረጃዎችን ለማግኘት፡-

ፌስቡክ፡- https://www.facebook.com/feaccOfficial/

የ ሀብት ምዝገባ እና ማሳወቅ:- https://feaccdars.gov.et/DARS_PL/

ቴሌግራም፦ https://t.me/feacc

የጥቆማ ኢ-ሜል፡- CorruptionReportEthiopia@feacc.gov.et

ዩትዩብ፦https://www.youtube.com/channel/UCO_WiCAiDIkMMwqsZGK47nw

ትዊተር፦ https://twitter.com/EthiopiaFeacc በመወዳጀት ይከታተሉን፡፡

Related Posts

Leave a Reply