6133 0115533852 / 0935947533Kazanchiz Addis Ababa, Ethiopia

ሁሉም የግል ከፍተኛ ትምህርት ተቋማት የሥነምግባር መከታተያ ክፍል ማደራጀት እንዳለባቸው ተገለፀ፡፡

(ፌ.ሥ.ፀ.ሙ.ኮ መጋቢት 27/2014 ዓ.ም አዲስ አበባ)፡- ሁሉም የግል ከፍተኛ የትምህርት ተቋማት እስከ ሚያዚያ 30 ቀን 2014 ዓ.ም የሥነምግባር መከታተያ ክፍል ማደራጀት እንዳለባቸው የኢ.ፌ.ዲ.ሪ የትምህርትና ሥልጠና ባለሥልጣን አስታወቀ፡፡ባለሥልጣኑ መጋቢት 26 ቀን 2014 ዓ.ም ለሁሉም የግል ከፍተኛ የትምህርት ተቋማት በላከው ደብዳቤ እንዳስታወቀው የግል ከፍተኛ የትምህርት ተቋማት እንደ መንግስት ከፍተኛ የትምህርት ተቋማት የሥነምግባር መከታተያ ክፍል በማቋቋም ሙስናና ብልሹ አሰራርን ለመከላከል ትኩረት ሰጥተው ሊሰሩ ይገባል፡፡ከግል ከፍተኛ የትምህርት ተቋማት የሚመረቁ ተማሪዎች በእውቀት ብቻ ሳይሆን በሥነምግባር የታነፁ፣ በስራ ዓለም ላይ ሲሰማሩ ሙስናና ብልሹ አሰራሮችን አምርረው የሚታገሉና ለሚያገለግሉት ማህበረሰብ ታማኝ መሆን ይገባቸዋል፡፡ ለዚህም የትምህርት ተቋማቱ የሥነምግባር እና የፀረ-ሙስና ሥራ አስፈጻሚዎችንና ባለሙያዎችን በማደራጀት ከወዲሁ የሥነምግባር ግንባታ ሥራዎችን መስራት እንዳሚገባቸው ባለሥልጣኑ አሳስቧል፡፡ተቋማቱ እስከ ሚያዚያ 30 ቀን 2014 ዓ.ም የሥራ ክፍሉን አደራጅተው እንዲያሳዉቁ ያሳሰበ ሲሆን ባለስልጣኑም ይህንኑ በጉብኝት ለማረጋገጥ እንደሚሰራ አሳውቋል፡፡የግል ከፍተኛ ትምህርት ተቋማቱ የሥነምግባር መከታተያ ክፍላቸውን በሚያደራጁበት ወቅት ሙያዊ እገዛ እንደሚያደርግም ባለሥልጣን መስሪያ ቤቱ ገልፆል፡፡ የፌደራል የሥነምግባር እና የፀረ-ሙስና ኮሚሽን የግል ከፍተኛ ትምህርት ተቋማት የሥነምግባር መከታተያ ክፍል በየተቋማቸው እንዲያደራጁ ለኢ.ፌ.ዲ.ሪ የትምህርትና ሥልጠና ባለሥልጣን ማሳወቁ ይታወቃል፡፡

Related Posts

Leave a Reply