6133 0115533852 / 0935947533Kazanchiz Addis Ababa, Ethiopia

የምርመራ ጋዜጠኝነት

ምርመራ ጋዜጠኝነት ሥራ ለፀረ-ሙስና ትግሉ ዓይነተኛ አጋዥ ነው፡፡ የምርመራ ጋዜጠኝነት በመንግስት ተቋማት ውስጥ ሥርዓትን ተከትሎ የተፈጸሙ ወይም ሊፈጸሙ በሂደት ላይ ያሉ የሙስናና ብልሹ አሰራር ችግሮችን (systemic corruption) በማጋለጥ የፀረ-ሙስና ትግሉን ያግዛል፡፡ በተቋማት ግልፅነትና ተጠያቂነት እንዲሰፍን በር ይከፍታል፡፡ ተጠያቂነትን ለማስፈንና የሕግ የበላይነትን በማረጋገጥ በኩልም የምርመራ ጋዜጠኝነትና በአጠቃላይ ሚዲያው በመረጃ ምንጭነት ሊያገለግል ይችላል፡፡ ለአብነት ያህል የደቡብ አፍሪካ የቀድሞ ፕሬዚዳንት ጃኮብ ዙማ በሙስና ወንጀል ክስ ሊመሰረትባቸው የቻለው ሚዲያ አጋልጦ በሰራው ዘገባ መነሻነት ነው፡፡ በሀገራችንም ሚዲያው የምርመራ ጋዜጠኝነት ሥራዎችን በመስራት ረገድ ጅማሮዎች አሉት፡፡ ነገር ግን በቂ ነው ማለት አያስችልም፡፡ ይህ ደግሞ በአንድ በኩል መረጃዎችን ለሚዲያ ክፍት በማድረግ ላይ በተቋማት ዘንድ ልምድ አለመኖሩ ሲሆን በሌላ በኩል ደግሞ የምርመራ ጋዜጠኝነት ሥራው ከሚዲያ ነጻነት ጋር ተዳምሮ አለመጠናከሩ ነው ብሎ መውሰድ ይቻላል፡፡ በመሆኑም ሚዲያው በፀረ-ሙስና ትግሉ በኩል በተለይም የምርመራ ጋዜጠኝነት ሙያን በመጠቀም ሙስናን የማጋለጥ ሥራዎች ላይ መጠናከር እንዳለበት መረዳት ይቻላል፡፡ ለዚህ ደግሞ የሚመለከታቸው አካላት በዋናነትም መንግስት፣ ሲቪል ማህበረሰቡ፣ የህዝብ ዕንባ ጠባቂ ተቋምና የመገናኛ ብዙኃን ባለሥልጣን ትኩረት ሰጥተው ሊሰሩ ይገባል፡፡ የፌደራል የሥነምግባር እና የፀረ-ሙስና ኮሚሽን በበኩሉ ባለፉት አስርት ዓመታት ከሚዲያ ተቋማት ጋር ሲሰራ መቆየቱ ይታወቃል፡፡ ኮሚሽኑ በቀጣይ የፀረ-ሙስና ትግሉን ይበልጥ ለማጠናከር ከተለያዩ የሚዲያ ተቋማት ጋር በትብብርና አጋርነት ለመስራት ዝግጁ መሆኑን ከወዲሁ ይገልፃል፡፡

Related Posts

Leave a Reply