6133 0115533852 / 0935947533Kazanchiz Addis Ababa, Ethiopia

ኮሚሽኑ በአዳማ ሳይንስና ቴክኖሎጂ ዩኒቨርሲቲ ያስለማውን ዌብ ፖርታል ተረከበ፡፡

(ፌ.ሥ.ፀ.ሙ.ኮ መጋቢት 15/2014 ዓ.ም አዲስ አበባ)፡- የፌደራል የሥነምግባር እና የፀረ-ሙስና ኮሚሽን በአዳማ ሳይንስና ቴክኖሎጂ ዩኒቨርሲቲ ያስለማውን ዌብ ፖርታል ተረከበ፡፡ዌብ ፖርታሉ የተለያዩ ሲስተሞችን የያዘና ልዩ ልዩ ተግባራትን መከወን የሚያስችል፣ ለአጠቃቀም ምቹና ደህንነቱ የተጠበቀ እንደሆነም በርክክቡ ጊዜ ተብራርቷል፡፡ በርክክብ ስነስርዓቱ ላይ የተገኙት የፌደራል የሥነምግባር እና የፀረ-ሙስና ኮሚሽን ኮሚሽነር ዶ/ር ሳሙኤል ኡርቃቶ ፖርታሉ ደረጃውን የጠበቀና ኮሚሽኑ ወደፊት ለሚያከናውናቸው የሙስና መከላከል ሥራዎች ከፍተኛ እገዛ እንደሚያደርግ ገልፀው ፖርታሉን በእውቀትና በአግባቡ መጠቀም አስፈላጊ ነው ብለዋል፡፡ አክለውም በቅርቡ ኮሚሽኑ በንግዱ ዘርፍ ላይ የሚስተዋሉ ሙስናና ብልሹ አሰራሮችን ለመከላከል የሚያግዝ ዲጂታል ሰርቬይ ከዩኒቨርሲቲው ጋር በትብብር እንደሚሰራም ጠቁመዋል፡፡ የአዳማ ሳይንስና ቴክኖሎጂ ዩኒቨርሲቲ ምክትል ፕሬዝዳንት ዶ/ር ሀብታሙ በሪ በበኩላቸው በርካታ ጠቀሜታ ያለውን የኮሚሽኑን ዌብ ፖርታል በኮሚሽኑ ፍላጎት መሠረት ማከናወናችን ተጨማሪ አቅም ፈጥሮልናል ብለዋል፡፡ ዩኒቨርሲቲው በቀጣይ የቴክኒክ ድጋፍ፣ ስልጠና እና የምክር አገልግሎት ለኮሚሽኑ ባለሙያዎች እንደሚሰጥ የዩኒቨርሲቲው የኢንፎርሜሽንና ኮሙኒኬሽን ዳይሬክተር ዶ/ር ወርቁ ጃፋር አስታውቀዋል፡፡ የፌደራል የሥነምግባር እና የፀረ-ሙስና ኮሚሽን ከአዳማ ሳይንስና ቴከኖሎጂ ዩኒቨርሲቲ ጋር በጋራ ለመስራት በዚህ ዓመት መጀመሪያ ላይ የመግባቢያ ሰነድ መፈራረሙ ይታወሳል፡፡

Related Posts

Leave a Reply